Meta Connect 2024-ის პრეზენტაციაზე, მარკ ცუკერბერგმა გაგვაცნო მნიშვნელოვანი სიახლეები ვირტუალური რეალობის, ხელოვნური ინტელექტის და სმარტ სათვალეების სფეროებში.
Quest 3S-ის ახალმა ვერსიამ, რომელიც $299.99-ად გაიყიდება, ყურადღება მიიპყრო თავისი ხელმისაწვდომობით. ის მოიცავს ყველა იმ ფუნქციას, რასაც Quest 3, მაგრამ უფრო დაბალ ფასში. ახალი მოწყობილობა გაყიდვაში 15 ოქტომბერს გამოვა, რაც Meta-ს პასუხია კონკურენციაზე, განსაკუთრებით Apple-ის Vision Pro-სთან, რომელიც $3,500-ზე მეტი ღირს.
მეორე მნიშვნელოვანი სიახლე იყო Ray-Ban Meta სმარტ სათვალეები, რომელიც ახლა უკვე რეალურ დროში თარგმნის და ხელოვნურ ინტელექტთან მეტ ინტეგრაციას გვთავაზობს. სათვალეებში ჩაშენებულია ფუნქციები, რომლებიც მომხმარებელს სთავაზობს ისეთ შესაძლებლობებს, როგორიცაა ტექსტის ამოცნობა, QR კოდების სკანირება და ინფორმაციის დამახსოვრება, მაგალითად, სად დააპარკინგეთ მანქანა.
გარდა ამისა, Meta-მ დააანონსა Orion-ის დამატებითი რეალობის სათვალეებიs პროტოტიპი, რომელსაც კომპანიამ "ყველაზე მოწინავე ვირტუალური რეალობის სათვალე" უწოდა. თუმცა, ეს პროდუქტი ჯერ არ არის მზად კომერციული გამოყენებისთვის და მისი ტესტირება მიმდინარეობს კომპანიის შიგნით.
Meta Connect 2024 ხაზს უსვამს კომპანიის მიზანს,რომ ტექნოლოგია ყოველდღიურ ცხოვრებაში კიდევ უფრო საჭირო იყოს და გახადოს ის ხელმისაწვდომი.
